職趣事
兒子在家工作 與爸爭執變多 被投訴好食懶飛 港爸嘆無尊嚴
25 Feb 2022
第5波疫情持續，不少公司安排僱員在家工作，減低感染風險。一名港爸於討論區訴說指，兒子在家工作後，預料兩人爭執變多，沒料日前竟聽到兒子向媽媽投訴，指港爸疫情下經常出外吃飯，又批評他在家中「好食懶飛」，港爸聞言不禁大嘆無尊嚴。
該名港爸於「香港討論區」發文指，兒子本月起在家工作，已預計見面時間增加令爭執變多，而且兒子工作經常要開會，所以他大多都留在房間不出廳。由於疫情關係，他亦未能與朋友行山或聚會，除了外出用餐及陪老婆買菜外，大部分時間都留在家中，「瞓吓晏覺，休息吓」。
樓主透露，日前聽到兒子向媽媽投訴，指責他在疫情期間仍經常出外食飯，「點解唔叫外賣」，批評他「好食懶飛」，「話唔在家工作都唔知原來我生活咁頹廢，只係得食同瞓，屋企嘅事都唔幫忙處理下」，更投訴爸爸的鼻鼾聲太大，騷擾他工作，「影響佢開會做嘢」。
樓主直言，現時疫情嚴峻，無法外出見朋友已很難過，「出去又俾你話我出去，我喺屋企冇事幹，瞓下晏覺都要俾佢投訴」，嘆父子關係今非昔比，「明明阿仔細個時候好黐我，好聽話，點解而家會樣樣嘢都針對我」。而妻子聽到兒子投訴後亦不幫樓主，令他甚感無奈，「我落去食個飯見吓人又有咩問題？自己好似冇尊嚴喺屋企生活」。
帖文引起網民熱論，有網民認為樓主的行為並無不妥，「每個人有自己生活方式，你養到佢咁大，佢咁大個人住你屋企唔搬走，仲咁無禮貌鬧長輩」、「你個仔咁大個人，有本事自己搬出去住，佢唔畀家用就算。」；亦有網民建議樓主可幫手做家務，「喺屋企幫手做家務，佢應該會少啲不滿」、「唔係叫你出街，係叫你可以幫手清潔、打掃、收衫，唔好得佢阿媽一個人做晒」。
資料來源：香港討論區、星島日報
好工推介
職場熱話
- 1
- 2
-
郵政署招聘會計主管 月薪$18,916 申請人須具備咩條件？
TOP 1 -
中大調查：七成市民認為香港貧富懸殊嚴重 約一成表示入不敷支
TOP 2 -
研究：社會氛圍複雜多變 四分之一對職涯持負面看法 49％人對未來財政狀況感不安
TOP 3 -
碩士畢業37歲打工仔 失業5個月 12年工作生涯冇份工做得長 大呻：學歷呢個包袱太重
TOP 4 -
40歲打工仔MPF資產中位數66萬元 BCT籲善用自願性供款
TOP 5
-
一大早交report 老細睇一眼就話啲數錯 事後原封不動再交又話啱 網友：樓主錯在呢樣嘢！
TOP 6 -
調查指24％專業人士正考慮退休移居外地 近半數選擇大灣區 33％選擇英澳加
TOP 7 -
內地年輕人興起做全職「全職乖孫」 唔揾工 喺屋企照顧長輩起居飲食
TOP 8 -
黃傑龍明言餐飲迎淘汰期 北上消費潮非唯一原因 籲業界極力轉型
TOP 9 -
大班結業拖欠近1,000萬元遣散費與薪金 公司結業遣散費應如何計算？
TOP 10
